睇林冰訪問哥哥

林：辣士里（Leslie）呀，我记得《春光乍泄》公映时，你迟迟唔去睇，你好似有D怕面对呢部片。因为你同王家卫拍的时候唔开心，你担心佢将你的戏剪到好似一个大配角，搞到自己唔开心，所以，侧侧膊，迟迟唔去睇片，差不多落画，兼且听大多人讲你表现好，你至去戏院睇。

张：系呀，小清陪我去睇嘅。果日我迟到，同伟仔床上果场始终未睇过，我唔担心佢剪我戏！我表现咁好，佢舍得剪咩。康城系我自己唔去之嘛，我同王家卫唔开心，主要系因为我唔钟意佢嘅方法，演员喺佢手上始终只系棋子，你做乜，你唔知，边场系开始，边场系结局，你亦唔知，任佢摆布，我喜欢有剧本，知道自己做乜。

林：听讲，系阿根廷的时候，戏未拍完，你赶住返香港搞演唱会，佢地留你，你话无时间，最后，你提出补水五十万，至俾多咗期佢地…佢地当时谂：你张国荣唔系无期吖，不过想补水……。

张：无件咁嘅事(但面有不悦之色，咖啡竟倒在餐巾上，很有仪态的张国荣，这是罕见的。)你边度听来？好易啫，可以叫佢将账目摊开来睇o架，我有攞呢笔钱，实有账目。你信佢地唔会俾我现金的啦。(辣士里一边抹去桌上的咖啡，一边向我解释。因为他的激动，令我以为佢系掩饰果五十万的事，不过，后来查问过，张国荣并无多收王家卫五十万补水。)

张：你知我当初点解肯拍《春光乍泄》嘛，你知王家卫系点同我讲的嘛？佢话想拍－部同性恋的电影，太多的同性恋电影歪曲咗同性恋，佢想拍一部，用正面的角度去探讨。我话你咁钟意金城武，点解唔用金城武？佢解释话，想拍一部香港人的同性恋电影，我至应承佢。不过，后来佢都无做到，佢用咗张震，总之，我唔理佢咁多方法拍，我系乜野讲到明，佢系明明想咁，讲成另一样，等你以为系咁。

同樣的話梁家輝與影評人舒琪也說過，說墨鏡讓哥哥拍《春光乍洩》是剝削了哥哥。
我只是一時無聊去看舊帖而已，結果又是一肚子怨氣。

林：再问你一个问题，你成日话唔去荷李活拍片，又话佢地去到荷李活，拍亲都重复旧时，应该拍D荷李活无嘅，有中国特色的，你估同你人仔细细，唔够大件头，拍埋去D鬼处，唔够件头，唔够好睇有无关连呢？

张：唔够件头？林冰，演戏喎，你估段秤呀？你知唔知汤告鲁斯有几矮呀？你知罗拔烈福拍《俏郎君》同巴巴拉史翠珊平行，要挖条坑俾巴巴拉史翠珊行嘛？德斯汀荷夫曼、阿尔柏仙奴又有几矮嘛。林冰，演戏唔系讲件头嘅，系讲呢度(用手将自己个头，上、下、左、右圈咗一个圈来示意，带着激动的，冰姐，霎时间也变了林冰，林冰。)

林：(我钟意张国荣，因为佢有呢份激动，但时常口讲心果句。时常暴露内心世界，都是我喜欢的。)

噢噢，我就是中意哥哥的“真”。